2008九州火山之旅 - Day 1 褔崗－內奧咪部落格

2008年4月25日(星期五) - 天朗氣清
坐港龍朝早8:55機去褔崗, 因為太早既關係, 亦因為我太遲出門口既關係, 去到機場已經好趕, 過埋海關之後, 飛機已經去到最後召集, 哈, d空姐見我地仲係度影相, 仲不停咁吹我地tim呀.

去到褔岡, 大約下午1點左右 (日本時間快香港1個鐘), 一到機場即刻去機埸旅客櫃台拎資料同埋Welcome card, 呢張Welcome card係某d地方消費會有discount, 之後就去搵個巴士站, 搭shuttle bus去國內線既機埸, 因為國內線既機場先有地鐵相連去市區, 去到地鐵站, 緊係首先買張地鐵一日卷, 啱啱果日係星期五, 仲可以平100yen, 只係500yen.

shuttle bus去國內線既機埸

地鐵一日卷

呢張就係welcome card

JR Pass同埋JR ticket

去到博多站之後, 首先就去左JR counter度換左JR pass先同埋劃埋位, 因為啱啱係日本既黃金周, 驚會無晒位, 好彩都全部劃到位換到飛, 之後就係去酒店check-in同放低行李, 跟住就出去醫肚, 之前係香港搵資料時, 知道有間元氣壽司係博多站附近, 所以今日lunch就去試下呢間元氣la.

日本既元氣壽司-全店100yen

係每個位都一部顯示器, 可以係度自肋落單

當食物差唔多到時, 個顯示器就會話俾你知, 仲會係件壽司前面有個牌寫住個枱號ga, 唔會俾人拎錯呀

食完野之後, 就開始今日既行程, 首先我地搭地鐵去唐人町站, 行去Hawks Town同埋褔崗巨蛋, 應該係啱啱有棒球比賽準備開始, 所以見到周圍好多人, 如果大榮鷹隊贏左比賽, 巨蛋既頂部再會打開同埋會放煙花, 但係我地當然無入去睇比賽, 我地繼續行去人工海灘Seaside Momochi海濱公園, 這人工沙灘長約1.4km水清沙幼, 不時見到有人係沙灘度練習吹奏樂器, 感覺都好寫意, 經過海濱公園沙灘之後, 見到突出既甲板Marizon, 甲板上有意大利同埋中華料理既餐廳, 仲有一些商鋪, 但係好似無咩特別, 只係周圍看看算了, 再行去對面既褔崗塔, 是日本第一既海濱高塔, 由於之前係其他地方都去過這類型既高塔, 故沒有入塔參觀.

褔崗巨蛋 Yahoo Dome

Seaside Momochi海濱公園

Marizon

褔崗塔

離開褔崗塔之後, 我地就行返去西新地鐵站, 係途中經過一檔賣生果既鋪頭, 見到有士多啤梨賣, 只係250yen一盒, 同埋好似好新鮮咁, 即刻忍唔住買左一盒, 行到去地鐵站附近, 只到有一間賣雜貨既鋪頭, 好似好平咁, 就入去睇下, 嘩! 原來好多野買ga, 好似一間surpermarket, 但又唔止係一間supermarket咁簡單.

離開左呢間雜貨鋪之後, 我地塔地鐵去姪濱站再轉搭100yen巴士去Outlet - Marinoa City, 黎到呢個Outlet, 坦白講....真係無咩野睇.....不過佢有2個摩天輪, 其中一個係全日本最大既摩天輪, 費用800yen, 如果用Welcome card, 可以有discount, 但係因為我地去果時, 好大風同好凍, 最後我地都放棄左坐摩天輪, 係Marinoa City食完晚飯之後, 就塔返100yen巴士(因為係Marinoa City裡面拎左coupon, 所以只係50yen)去姪濱站, 再塔地鐵返酒店.