close
日期: 2010年7月3日
今日首先我地會去淺草同雷門寺, 我地又係搭ゆりかもめ無人駕駛列車 去到豐洲駅, 今日最多只會搭2程ゆりかもめ無人駕駛列車 , 所以無買一日乗車券. 去到豐洲駅再轉搭東京メトロ地鐵, 我地先買了東京メトロ地鐵既一日乗車券, 同樣係一日裡面無限任搭. 先搭地鐵到銀座一丁目駅, 再由銀座一丁目駅徒步大約15分鐘去銀座駅, 再搭東京メトロ地鐵去淺草駅. 點解要咁轉接? 因為我地唔想搭咁耐車, 呢個係最快既方法去到淺草駅. 去到淺草駅, 當然首先搵野食先. 我地安排左今日既lunch會係"鮨よしだ （すしよしだ）"食, 呢間都係庶民米芝蓮食店, 我地分別叫了魚生丼和壽司set, 味道普普通通, 有少許失望. 吃完lunch後, 我地就向雷門寺出發, 可能今日係星期六, 都開始多人了, 我地已經唔係正門入, 係側門入. 入到雷門寺入面仲多人, 難得黎到, 求返支籤先, 我就求到支中上籤, 朋友好唔好彩咁求到下籤, 所以朋友都好唔開心呀… 不過唔緊要, 凡事向好方向諗.
我地參觀完雷門寺後, 再由正門出返去, 當時已經有好多人. 我地搭東京メトロ地鐵由 淺草駅去上野駅. 好多香港人, 尤其跟團的都一定會去上野既阿美橫丁購物區, 因為這裡買手信特別平. 咁我地去到上野當然係買手信啦, 呢度真係平過其他地方, 種類又多. 其中一間店鋪仲係賣1000yen褔袋, 我都有心郁想買, 但又怕唔啱用, 最後都係無買到.
我地行完上野, 已左一袋右一袋了, 我地諗住之後會去原宿行街, 所以要放搵locker放低d野, 但我地今晚又會去新宿食飯, 所以要搵一個比較方便既地方放低先得. 最後決定去日比谷駅搵locker放低d野, 因為呢個駅係我地去原宿同新宿返酒店必經既駅. 日比谷駅跟有樂町駅是互通的, 我地係日比谷駅跟有樂町駅之間搵到有locker, 於是將所有無用既野都放晒係locker, 之後再去明治神宮前駅落車到達原宿. 我地係原宿逗留了個多小時, 其實比我想像中唔係咁多野睇, 加上又開始落微微雨, 所以只買了幾件衫. 之後我地就去新宿食晚飯了.
由於我地想用盡張一日乗車券, 所以沒有搭JR去新宿, 我地搭東京メトロ地鐵去到表參道駅, 再轉搭去赤坂見附駅, 再由赤坂見附駅搭去新宿駅. Hahaha…. 來到新宿, 我地想先去買後日去河口湖既高速巴士票, 我地怕當日先買會賣晒, 但去到購票處才知道要9點前才可預購票, 那沒辦法, 唯有明天再來買. 今日的晚飯會係"旬鮮酒場 天狗" 食, 這間都很出名的, 我們見價錢唔係太貴, 都值得一試. 今日都不算太多人, 我地唔駛點等就有位, 我地分別點了炸雞翼, 鐵板牛柳, 黑毛和牛燒, 自家製鐵板餃子, 雞肉串燒和冷麵. 另外因為我地有Coupon, 所以有一客朱古力雪糕送. 唔...整體上都OK, 但串燒味道真的麻麻. 其他的個人覺得一般.
吃完飯之後, 我地決定前往去神谷町駅去睇東京鐵塔, 我地初時諗住係地鐵站附近離遠睇東京鐵塔同影相, 但由於當時係落緊微微雨, 實在看得不太清楚, 朋友又不太忿氣, 越行越近東京鐵塔, 最後去到東京鐵塔下面才影到相. 但其實當然已經接近晚上11點半, 就快無車返酒店, 我地仲要去日比谷駅既Locker拎返今朝係上野買既野, 所以要十分趕急去影相, 影完相我地跑返去地鐵站, 再搭車去日比谷駅.
去到日比谷駅, 仲要去Locker拎返D野, 其實已經無咩時間, 但由於個Locker位於日比谷駅同有樂町駅之間, 所以要盡快. 我地拎左野之後, 即刻走去有樂町駅搭車去豐洲駅, 但係去到有樂町駅既月台時, 剛剛走了一班車, 下一班車要大約10分鐘後才到, 我們怕來不及豐洲返酒店既ゆりかもめ無人駕駛列車, 由於我地不知道ゆりかもめ無人駕駛列車既尾班車係幾點, 而都差不多12點, 我地怕尾班車會係12點開出, 於是我地決定去返日谷駅搭去銀座駅再轉車去新橋駅, 之後搭ゆりかもめ無人駕駛列車返酒店, 因為咁樣搭去新橋駅會快過搭過去豐洲駅, 不過咁樣搭ゆりかもめ無人駕駛列車返酒店就會耐D, 但咁樣應該會趕切搭ゆりかもめ無人駕駛列既尾班車. 最後我地當然成功係新橋駅搭到ゆりかもめ無人駕駛列返酒店, 都總算安然返到酒店休息呢....
來 到第三日了, 我地今日既早餐係海膽一板, 話說尋晚返去新橋駅食晚飯時, 經過一家超級市場, 我地就買了一板海膽返酒店. 其實我地都擔心會唔會好似尋日係築地既原隻海膽咁難食, 但本着大無謂精神, 即管試一試, 唔… 味道都可以, 無尋日隻原隻海膽咁難食, 普普通通啦. 食完早餐後, 就出發開始今日既行程.
全站熱搜
留言列表
我的旅遊日記 (19)
